BNR. 12 NORHEIM

Delt frå bnr. 2 Rasmusgarden

Hans Laurits Hansen Flisnes(2) (1901-1995) hadde vore ei tid i Canada frå 1924. Han kom heim og gifta seg med Ragnhild Villa (1913-2010) frå Hjørundfjorden i 1932. Dei to var også firmenningar, med slektsrøtter til Riise i Hjørundfjorden. Denne delen av garden vart kalla «Norheim», og fekk bruksnummer 12. Garden vart skyldsett til 1,12 skyldmark i 1939. Dei dreiv bruket frå 1939 til 1995. I deira tid starta tomtesalget, men bruket var framleis samla i eit jordstykke.

a) Elsa  f.1932  1954 g.m. 1313c Gustav Mjaaland Flisnes(1), busett Flisnes. Vetrinær og politikar for Venstre i tidlegare Borgund kommune, no del av Ålesund. Han vart første ordførar i den nye Ålesund kommune frå 1968.

b) Steinar Ingvald  f.1937  neste brukar.

c) Berit  f.1946  1965 g.m. Steinar Nilsen frå Nørve, busett Flisnes.

Dagens grunneigar er Steinar Ingvald Flisnes (f.1937). Han gifta seg 1960 med Solfrid Marie Strømme (f.1938) frå Døving(540) i Valldalen. Ho er søster til 1318 Magnar Stømme, som vart brukar i Hansgarden, Flisnes(1). Ein god del av garden, frå Hamnevika mot Flisholmen, er framleis samla i eit stykke og nytta til landbruksformål. Han tok over bruket 1973 og fekk skøyte for 55 000 kroner. Kjøpet inkluderte gardsreidskap og besetning. Dei bygde seg nytt hus ved tunet.

a) Hans Willy  f.1961  1987 g.m. Ragnhild Elisabeth Høegh-Krohn, busett ved tunet. Ragnhild vaks opp i Løvika, Nedregotten.

b) Møyfrid Kristin  f.1963  1984 g.m. Øyvind Arnt Bjørge, busett Flisnes.

c) Ørjan  f.1973  2005 g.m. Monica Lunde Ludviksen, busett i Ramsvika.